Svako manuš isilje pravo te odlučini ando po telo hem andi pi seksualnost. Odoljese i Švedska isila zakon ando seksualno zločin kova istaknini so sa valjani te ovel dobrovoljno. O seks valjani te ovel dobrovoljno, a ako na tagani tano zločin.
Dobrovoljno seks značini so o manuš mothodža so mangela seks lafijencar ja teloja (govor tela). Odoljese tano važno te šune, te puče, osetine hem te poštujine. Tu mora te ove sigurno so okija aver strana čače mangela.
Na valjani nasilje ja pretibe te bi džiko ovel osudimo sar ko primer silujibase. Na valjani ni te ovel so džiko iskoristija avere manušesi posebno situacija, sar ko primer ako odova aver manuš hine mato. Keda o seks nane dobrovoljno tegani tano odova zločin.
Sa o seksualna postupkija mora te oven dobrovoljna
Čhivče ki godi so sarine isiljen pravo te peren pišmani. Nane veza so hine angljeder ja ko hine inicijator. Te nastavine te ovel tut seks nekasa kova više namangelatano jekh zločin. Ako phenelape po jekhe seksualno postupkose odova na značini so odova važini sa e bučendže.
Kontakt
Ako isi tut pučibe ando internet stranica tegani kontaktirin o Brottsoffermyndigheten adžahar so ka pisine ko: registrator@brottsoffermyndigheten.se.
Posetin rado i internet stranica ando Brottsoffermyndigheten, www.brottsoffermyndigheten.se. Akate šaj te arakhe informacije ko pobuter čhibja ando prava kola isiljen o žrtve. Othe šaj hem te čitine sar te prijavine ki policija hem sar o sudo funkcionišini.
