Vačer ando seks

O seks valjani te ovel diso šukar - angljeder, u toku, hem palo seks. Odoljese, ako mangeja te ovel tut seks valjani te ove pažljivo, te šune hem te dikhe save signalija dobineja.

Ako hijan nesigurno so okova aver mangela, tegani mora te puče te šaj te džane so tu tumačijan o buča ispravno. Ma pogodin. Najgore so šaj te ovel ako probineja te pogodine tano te čere diso protiv odolje avere manušeso čefi, te ponizine hem dukhave aver strana.

Jekh šukar način sar te džane sar aver strana osetinipe tano te vačeren ando odova. Puč so mangela hem so sviđinipe odola avera stranače. Jekh aver način tano te čitine so odija aver strana mothovi pe teloja, dikh sar osetinipe ko ljice hem šun ko glaseso toni.

Tu isitu pravo ko pomoć hem podrška

Niked nane tiklji greška ako džiko seksualno napadija tut. Tu uvek isitu pravo te dobine pomoć hem podrška odoljese so doživijan. Šaj te osetine tut pošukar ako vačereja džikasa ando odova so hine, šaj te vačere te amaljeja, nekasa andi ti familjija ja nekasa avereja kase verujineja. Isi hem nekobor organizacije kola šaj te kontaktirine ako mangeja te vačere džikasa.

Ki amari internet stranica isi jekh spisko ando organizacije kuri šaj te rode podrška hem pomožibe (samo ko švedski hem engleski).

Te čere diso so nane šukar protiv jekh aver manuš

Te čere dijekh seksualno postupak premalo nekaste a protiv oljeso čefi tano uvek lošno.

Ako mislineja so šaj čerdžan dijekh seksualno postupko protiv nekaso čefi, šaj te dobine pomoć. Šaj te vačere ando odova so hine hem te dobine pomoć te promine to ponašibe. Sar ko primer šaj te kontaktirine i o PrevenTell.

Dikh pobuter informacija ki oljengi internet stranica PrevenTells. (samo ko švedski hem engleski).