Ando zakon

Ando 1. juli ko 2018. berš andžape ki Švedska jekh zakon ando seksualno zločin kova istaknini so sa valjani te ovel dobrovoljno. Akava zakon tano jasno so svako manuš isilje pravo te odlučini upro po telo hem pi seksualnost. O seks valjani te ovel dobrovoljno, a ako na tagani tano zločin.

Dobrovoljno seks značini so o manuš mothodža so mangela seks lafijencar ja teloja (govor tela). Ako tu mangeja te oveltu seks džikasa onda mora te džane da lji odova dujto manuš čače mangela, sar na primer te puče. 

Akava značini so sarine isiljen pravo te peren pišmani ked god mangena. Nane veza so hine angljeder ja ko hine inicijator. Te nastavine te ovel tut seks nekasa kova više namangela tano jekh zločin.

Svako seksualno postupak mora te ovel dobrovoljno

Ako phenelape po jekhe seksualno postupkose odova na značini so odova važini sa e bučendže. Odoljese tano važno ki svako nevi situacija tu te puče ja ko disavo aver način te dikhe so okija aver strana mangela. Ako na primer jekh manuš pheja ja mothodža so mangela oralno seks, odova na značini so mangela vaginalno ja analno seks. O manuš mora te phenel ja te mothovi so mangela svako aver nevo seksualno postupko. Akava važni bizo obzir ko hine inicijator. 

Seks kova niked nane dobrovoljno

Isi situacije ko kola niked našti phenelpe so jekh manuš dobrovoljno pristajindža ko dijekh seksualno postupak. Ko akala situacije tano uvek zločin te ovel tut seks jekhe avere manušeja. Nane važno da lji ov pheja ja mothodža so mangela.

 

  • Maribe, nasilje ja pretibe

Ako neko učestvujini ko dijekh seksualno postupak sose hine izložimo maribnjase, džiko hine nasilno ja hine pretimo ljese. Ko primer ako o izvršilac marela ja zoralje ičeri e žrtva. Jekh aver primer tano ako o izvršilac pretini so ka širini e žrtvake nange slike.  

Na valjani te ovel isto manuš kova tano nasilno ja pretini okova kova čerela odova seksualno postupko. Jekh primer tano ako jekh manuš činela seksualna usluge ando nekaste kova učestvujini samo sose tano/tani izložimi maribnjase, pretibase ja ando disavo aver razlog učestvujini protiv piklji volja.

 

  • Posebno ugrozimi situacija

Ako o izvršilac iskoristini jekhe avere manušesi posebno ugrozimi situacija, ko primer ako tani i žrtva mati ja drogirimi, isila dijekh nabormipe, sakati ja psihičko nabormipe.  

Šaj te ovel hem ako i žrtva but darala. Okova so šaj te ovel sar primer ked o manuš but darala tano e ovel paralizujimi ando odija situacija, jekh situacija koja vičinipe ”frozen fright”.

 

  • Zloupotreba zavisnosti

Ako o izvršilac ozbiljno zloupotrebini odova so i žrtva zavisini ando izvršilac. Odova šaj ko primer te ovel o odnos maškaro jekh učitelji hem učeniko ja šefi hem džiko ko čerel buti koro oljeste.

 

Ando silujibe hem seksualno zlostavibe

Seks ja seksualno postupko kova nane tano dobrovoljno šaj te ovel silujibe ja seksualno zlostavibe. Okova soj tano averčhane maškaro akala duj zločinja tano kova seksualno postupko desisalo. 

O zločin silovanje značini so o izvršilac zorjeja hinelje seks ja jekh aver seksualno postupko kova šaj te uporedinipe e sekseja e žrtva koja namanglja odova. Sar ko primer odova šaj te ovel vaginalno, analno ja oralno seks. Odova važini isto ked avela dži i penetracija (nadražibe) dijekhe predmeteja ja najencar. Ko silujibe račujinipe hem ked o polna organija ando izvršilac hem i žrtva avena ko kontakt jekh jekheja. 

O zločin seksualno zlostavibe značini jekh seksualno postupko premalo aver manuš kova na mangela odova a na račujinipe sar silujibe. Primer šaj te ovel ako džiko čhivela e žrtva te onanerini (nadražini kokri pes) ja o izvršilac pipini e žrtva hem ko isto vakti kokri onanerini.

Duj neve zločinja

Isi duj neve zločinja ko nevo zakon: nemarno silujibe hem nemarno seksualno zlostavibe. Akala važninena ko situacije ked jekh manuš isilje seksualno postupak iako sumnjini ja bi valjani te sumnjini so okova aver manuš/manušni namangela. Odoljese okova kova isilje seks isilje hem odgovornost te džanel so sa o umešime čače mangena te čeren odova. 

Seksulano zločin ki distanca

Silujibe, seksualno zlostavibe ja avera saksualna zločinja šaj hem te čerenpe ki distanca, sar ko primer prakalo telefoni ja internet. Jekh primer tano ako džiko čhivela džikas avere te čerel dijekh seksualno postupak kokri peja anglo jekh webb kamera. 

Lämna sidan direkt Dölj ditt besök
Cookies och GDPR